Sekeirox

Á hora de darlle a publicar a anotación anterior sobre a xornada de novas tecnoloxías e xestión cultural , leo sobre a "felicísima" idea de Anibal de ir desenvolvendo no wiki no que se recollen recursos vencellados á Web 2.0 , unha sección denominada "Recursos edublogs" na que se recollen un montón de recursos sobre os blogs en xeral e sobre os blogs educativos en particular.

Como para a preparación da miña intervención no obradorio sobre creación e xestión de blogs, utilicei algúns dos recursos que se recollen neste sitio, e xa que moitos dos seus autores foron de cita obrigada, paréceme de cumpridísima referencia destacalo e apuntalo para a súa consulta diaria. Como ten aberta a porta á participación, xa engadín algún elemento, que espero que a Anibal lle pareza oportuno. (PD. Tal e como lle comentei ao interesado, as cariñas da túa presentación , servíronme para axudar a ilustrar a miña Moitas grazas)

Os elementos que se recollen nesta sección agrupanse en:

• 1 Artigos
• 2 Presentacións
• 3 Obradoiros
• 4 Manuais - Tutoriais
• 5 Na aula
• 6 Colaborativos
• 7 Podcasting
• 8 Sindicación de contidos
• 9 Blogosfera
• 10 Varios