Premios a Recursos Educativos para a Sociedade da Información

Vía Código Cero e Sociedadedainformación.eu achégome á nova da convocatoria dos “Premios a Recursos Educativos para a Sociedade da Información” promovidos polas Consellarías de Innovación e Industria e Educación e Ordenación Universitaria, a través das direccións xerais de Promoción Industrial e da Sociedade da Información e de Ordenación e Innovación Educativa.
O obxectivo destes premios, é a promoción, creación e divulgación de contidos dixitais de calidade na Rede, impulsar o coñecemento do software libre por parte da comunidade educativa e recoñecer e valorar o esforzo do profesorado na adopción das tecnoloxías de información e comunicación no seu traballo cotián.
Hai diversas modalidades de participación: Ferramentas de autor; Materiais curriculares de web; Galerías de imaxes e vídeos didácticos e Aplicacións de software libre

O prazo de participación remata o vindeiro 15 de setembro.

3 comentarios

[kin - 14 de diciembre de 2007 - 08:32]

lendo a convocatoria, parece que o que queren é un material pechado e estático para subir tal cual ao seu servidor, pero non invita a presentar webs dinámicas que estean funcionando. hai cousas que non cadran na convocatoria, que se ve bastante obsoleta.

[Carlos - 27 de junio de 2007 - 09:43]

Estamos dacordo Daniel, de momento parece que se vai un pasiño por detrás. En todo caso cun chisco de inxenio e creatividade, tal vez se poda ir mudando, aínda que sexa a pasiños moi pequenos.
De todos modos, como ti dis, existen certas contradiccións que no seu momento haberá que comentar.

[Daniel Veiga - 27 de junio de 2007 - 00:14]

Web 2.0. ?
Blog?
Os premios da Xunta descoñecen as outras posibilidades de traballo con internet que nos facilita a chamada web 2.0.
Os premios da Xunta non queren incorporar os blogs e outras ferramentas que -cada día máis- teñen eficaz uso didáctico.