Blogia
Sekeirox

Eduticadas

II xornadas de TADEGa con regalo incluído

Rematando o 2007, tiveron lugar en Santiago as II xornadas de TADEGa . O principal obxectivo destas xornadas foi o agasallarnos cunha nova asociación cargada de bos obxectivos, ideas e profesionais, que van traballar para compartir con todos nós o seu saber sobre o emprego das TIC na atención á diversidade.

¿Y esta publicidad? Puedes eliminarla si quieres

Destacados no Magazine de Horizonte

Cando se traballa ben, e se fan as cousas con gusto: nótase. Así no Magazine de Horizonte , unha das publicacións de referencia, no eido da educación e as tecnoloxías, están a destacar o traballo dos compañeiros de Aulablog , e dos blogfesores en xeral. Si en marzo destacaban a Aulablog21 de Paco Muñoz , en setembro a Fernando Santamaría polo seu Gabinetedeinformatica , en outubro o destacado foi Anibal de la Torre, e nesta ocasión, no número 83 pertencente a Novembro o que aparece como web destacado do mes é Cuaderno del Profesor de José Cuerva .

Parabéns a todos

Monográfico sobre blogs e wikis na educación, e outras lecturas

El mal diseño de las bitácoras”, é o artigo de Alejandro Valero que aparece no Monográfico "Wikis y Blogs en la educación " publicado recentemente polo Observatorio tecnológico del CNICE. Neste artigo, o "maestro" analiza diversos aspectos dos blogs a ter en conta para non caer en erros no deseño de bitácoras que nos poden levar a ter certos tropezós na práctica. Grazas Alejandro por facernos máis fácil o camiño.

Neste mesmo Monográfico podemos atopar outros artigos interesantes nos que se estudan as posibilidades reales na utilización dos blogs no eido educativo, dende o punto de vista práctico a no plano teórico. A medida que os vaia revisando ireinos incluindo no meu CiteUlike:

Outras lecturas que tamén irán pasando ás miñas referencias, a medida que vaian sendo desgranadas, son algúns artigos no novo número de Innovate: Journal of Online Education que ven de publicar o seu Número de Outubro - Novembro 2006 (Vol 3, Nº1) . Neste número os distintos autores, colaboradores, exploran, avalían e ilustran o potencial do software open source e nos informan sobre as últimas tendencias no que se refire á transformación da práctica educativa. Neste numero aparecen os seguintes artigos:

E outra das lecturas nas que estiven entretido estes días foi o artigo publicado por UOC Papers, Nº3 (2006): El Profesor 2.0: docencia e investigación desde la Red , de Ismael Peña, César Pablo Córcoles e Carlos Casado.

IMS Common Cartridge: novo estándar de contidos de aprendizaxe

Vía Octeto , entérome que o IMS Global Learning Consortium ven de anunciar que "o novo estándar de contidos dixitais de aprendizaxe Common Cartridge estará dispoñible en diversos produtos na primaveira de 2007. Para este fin, conta co compromiso de ANGEL Learning , Blackboard , Sakai , McGraw-Hill e outros desenvolvedores de software e de materiais de e-learning.

O novo estándar estará baseado en especificacións xa existentes: Content Packaging 1.2, Question & Test Interoperability 2.0 e Learning Object Metadata 1.0. E será, ademais, compatible con SCORM 1.2 y SCORM 2004. IMS/GLC confía en que o Common Cartridge facilite a produción e distribución de contidos para cursos nun formato común ampliamente aceptado".

Haberá que ver as reaccións por estes lares. 


Abrindo portas da educación superior ... con blogs

Este artigo, publicado por un servidor en Aulablog , foi recollido e destacado en e-learning, conocimiento en red por era-ser. Fíxome ilusión que lle gustase e o recollese no seu blog; un dos que reviso a diario.

O día de ... Internet

O día de ... Internet O vindeiro 25 de outubro, é outro deses "Días de..." dos que falaba no post anterior; trátase do Día de Internet. Como dixen no seu momento, o achegamento de internet aos cidadáns, ou dos cidadáns a internet, é unha tarefa que debemos traballar día a día; sen embargo, dende o punto de vista docente, pode ser unha boa data para traballar moitas cuestións relacionadas co uso de internet, que aínda que nos parezan obvias, poden resultar moi importantes para sermos mellores membros da sociedade que conformamos a rede, e para intentar aportar o noso grao de area na procura da reducción da fenda dixital.
Dende este punto de vista docente, os membros de aulablog decidimos participar ativamente nese día, realizando unha serie de actividades "extraordinarias" (coas que trataremos de desenvolver unha sesión continua de apoio e asesoramento no eido blogosférico (na docencia principalmente) a través dos foros, chats,..., repartiremos algún que outro "premio", e moito máis que iremos contando en aulablog). Ademais aulablog participa nos Premios convocados para o Día de Internet como mellor iniciativa educativa para o día de internet.
Se aulablog che parece unha boa iniciativa educativa, neste senso, que merece ser recoñecida, podes votar a súa candidatura premendo neste vínculo: VOTO a Aulablog ou na web do Día de Internet
O Equipo de Aulablog, tamén participamos co Planeta Educativo na categoría de mellor webloger ou periodista dixital. Se queres votalo preme aqui: VOTA Planeta Educativo

De vacacións (II): Usos dos blogs no ámbito educativo

Hoxe tocou abordar algunhas desas tarefas "para as que nunca tes tempo": facer certas compras, realizar algúns trámites,...; tamén houbo un oco para visitas varias; e por sorte puiden facer unha das cousas que máis me gustan: recargar pilas na Frouxeira en boa compañia.
Entre tarefa e tarefa, puiden revisar outro dos artigos que tiña pendentes nos recortes do recolledor, e a verdade é que foi un tempo ben invertido. Por suposto, tamen irei facendo algúns apuntes ao respecto no meu CiteUlike durante estes días. O artigo en cuestión, bueno en realidade os artigos en cuestión foron: Blogs @ Anywhere: High fidelity online communication e dos dous posts que James Farmer publicou en Incorporated Subversion e en Blogsavvy a propósito deste artigo: How NOT to use blogs in education e How you SHOULD use bloggs in education. A valoración: estupendos, tanto os posts como os comentarios e o debate suscitado a través dos mesmos. Realmente interesante.
Os artigos recollen unha revisión de varios estudos realizados no ámbito da pedagoxía con respecto ao uso de blogs na docencia. James, toma como referente tamén uns estudos que están a levar a cabo na University of Technology Sydney e outro da Deaking University (que haberá que seguir de preto). O autor centra a súa análise do uso dos blogs atendendo á súa vertente comunicativa, xa que no que lle interesa afondar é nas dinámicas comunicativas dos blogs e das súas tecnoloxías asociadas e o seu impacto nos entornos de ensinanza - aprendizaxe online.
O mellor de todo é que estas lecturas me serviron, (xunto con algúns dos últimos posts de Juan Freire como: Las meta-universidades: filtrado y agregación de contenidos externos, tamén de recomendada lectura), para animarme a retomar unha vella "idea" (intención, ilusión), de ir recollendo todas as iniciativas de incorporación de blogs ou servizos e blogs nas institucións educativas que van aparecendo cada día (a nivel internacional e nacional; comenzando polo nivel universitario para continuar coa educación secundaria, primaria e infantil); recoller se a súa introdución se fixo a nivel institucional, ou por iniciativa de profesores aillados; recoller se existe unha planificación do que se pretende facer con estas ferramentas ou non; o tipo de ferramentas que usan, e como as usan (por exemplo se fomentan o uso de blogs individuais ou blogs colaborativos, ou a modo de planeta de blogs ou metablogs,...) ...Algo máis?.
Teño visto listados de blogs de institucións, e por suposto de profesores que teñen blogs a tódolos niveis, pero coido que iso non abonda, neste caso trataríase de darlle a ese listado o valor engadido do fácil acceso á información sinalada. Sei que esta é unha idea ¿ambiciosa? e supoño (sei), por suposto, que esta é unha idea compartida por moitas persoas; e o que teño claro é que para desenvolvela é necesaria a participación e colaboración de varias destas persoas; por tanto gustaríame animar a todo aquel que o desexe, a aportar ideas para, de forma colaborativa, ir pensando e desenvolvendo esta recolleita da forma o máis cómoda, inxeniosa, rica e sobre todo aberta posible.

Cansos pero contentos

Ata o final, o curso de Novas Tendencias en Internet: a Web semántica e as redes sociais virtuais mantivo o seu nivel. Coido que a experiencia pagou o esforzo.
Tiven ademais algunhas sopresas agradables de última hora, como foi por exemplo, poñerlle rostro a José L de BlogDid, e a outras persoas ás que só coñecía polo seu traballo, que non é pouco. É máis, o traballo que nos permiten ver os demais, é precisamente a principal forma en que nos coñecemos na "inexistente (como alí se dixo)" blogosfera; os nosos intereses e as nosas accións lévannos a ir tupindo cada vez máis a nosa rede social. A miña, teceuse un pouquiño máis durante esta semana.
Outra grata sorpresa foi atoparme no curso, aínda que él asistía de forma virtual, con Daniel Primo, compañeiro de fatigas en Aulablog, a quen se lle concedeu o segundo premio de ideas innovadoras promovido como actividade do curso.
Imaxes do evento.

Poñerse ao día (II)

A verdade é que o ritmo que levamos nestes tempos non é moi normal; todo o día e parte da noite pegado ao trebello.
Isto de tentar estar ao día; facer o que me gusta; facer o que teño que facer (que case sempre, afortunadamente, coincide co que me gusta), e non sucumbir no intento, empeza a ser unha tarefa complicada. Pero mentres se poida seguiremos.
O meu recolledor está aos topes, e non poderei comentar todas as cousas interesantes cas que me atopo no camiño.
Sen embargo non pode deixar de comentar, o diccionario visual ao que cheguei grazas a deakialli, e que basea os seus resultados nas etiquetas das fotos de Flickr; a miña busca foi: Frouxeira, e o resultado axudou a alegrarme a tarde.

E tampouco podo deixar de comentar, unha nova á que chego da man de Paco en aulablog21, i é que dende hoxe xa se pode navegar coas "pestanas" en Internet Explorer e grazas á MSN Search Toolbar. Segundo Genbeta que é a fonte de Paco, instalando a última versión en inglés desta barra de navegación engadiranse ao Explorer, permitindo ter varias páxinas web nunha sola ventana (isto sónanos de algo verdade?). Trátase dun adianto do que será IE7. Era cuestión de tempo, que se producira o cambio. Adaptarse ou morrer.

Artigos de interese

Vía Innovate dou cunha xeira de artigos moi interesantes publicados en abril/maio de 2005:
- Russell, G. 2005. The distancing question in online education. Innovate 1 (4). http://www.innovateonline.info/index.php?view=article&id=13 (accessed May 4, 2005). The article is reprinted here with permission of the publisher, The Fischler School of Education and Human Services at Nova Southeastern University.
- Foreman, J., and R. Jenkins. 2005. Full-featured Web conferencing systems. Innovate 1 (4). http://www.innovateonline.info/index.php?view=article&id=45 (accessed May 4, 2005). The article is reprinted here with permission of the publisher, The Fischler School of Education and Human Services at Nova Southeastern University
- LaCour, S. 2005. The future of integration, personalization, and ePortfolio technologies. Innovate 1 (4). http://www.innovateonline.info/index.php?view=article&id=85 (accessed May 4, 2005). The article is reprinted here with permission of the publisher, The Fischler School of Education and Human Services at Nova Southeastern University.
- Gibson, D. 2005. Network-based learning and assessment applications on the Semantic Web. Innovate 1 (4). http://www.innovateonline.info/index.php?view=article&id=87 (accessed May 4, 2005). The article is reprinted here with permission of the publisher, The Fischler School of Education and Human Services at Nova Southeastern University.
- Bender, T. 2005. Role playing in online education: A teaching tool to enhance student engagement and sustained learning. Innovate 1 (4). http://www.innovateonline.info/index.php?view=article&id=57 (accessed May 4, 2005). The article is reprinted here with permission of the publisher, The Fischler School of Education and Human Services at Nova Southeastern University.
- Maddux, C., R. Cummings, L. Liu, and J. Newman. 2005. Aids and cautions in planning, developing, and delivering online instruction in higher education. Innovate 1 (4). http://www.innovateonline.info/index.php?view=article&id=32 (accessed May 4, 2005). The article is reprinted here with permission of the publisher, The Fischler School of Education and Human Services at Nova Southeastern University.
- Klonoski, E. 2005. Cost-saving collaboration: Purchasing and deploying a statewide learning management system. Innovate 1 (4). http://www.innovateonline.info/index.php?view=article&id=69 (accessed May 4, 2005). The article is reprinted here with permission of the publisher, The Fischler School of Education and Human Services at Nova Southeastern University.
- Downes, S. 2005. Places to go: New York Public Library Digital Gallery. Innovate 1 (4). http://www.innovateonline.info/index.php?view=article&id=177 (accessed May 4, 2005). The article is reprinted here with permission of the publisher, The Fischler School of Education and Human Services at Nova Southeastern University.

A cada cal máis interesante. Dalgúns deles irei dando conta no meu CiteUlike
¿Y esta publicidad? Puedes eliminarla si quieres

Cuaderno de clase

Adoito a visitalo (é un dos clásicos no meu recolledor), pero nesta ocasión tamén recomendo darse un paseo polo Cuaderno de clase de José Mª González Serna. O uso dos blogs na súa docencia,... máis que interesante.
E para relaxarse un pouquiño, recomendo autocaricaturizarse ca ferramenta que recomenda no seu post Autorretrato online.

Materiais educativo reutilizables

De Octeto, recollo o documento Packaging and Publishing Learning Objects: Best Practice Guidelines (PDF 2 MB), publicado por Becta
Trátase dunha guía para a verificación de materiais educativos, de cara ao cumprimento dos estándares que permiten a accesibilidade e reutilización dos mesmos en diferentes plataformas de ensianza a través da rede.

Sobre Apcala e outras cuestións

En Cuaderno del Profesor, José Cuerva Moreno, comenta de forma ben clariña, coma sempre, varias novas que captaron o meu interese e nas que estiven a afondar un pouco. Refírome ao seu comentario sobre Apcala: Software Social, que me parece dun potencial enorme. Fai tamén referencia no seu post: ao xa clásico del.icio.us (para compartir ligazóns); a flikr, que xa temos comentado (para compartir imaxes); ao citeUlike (para compartir ligazóns a referencias bibliográficas), no que estou especialmente interesado e que estou a probar máis a fondo; e ao wists e blogmarks (para compartir ligazóns con imaxes), que non coñecía.

Pareceume moi interesante tamén o seu post Mis primeras fórmulas en la bitácora, polas indicacións para editar fórmulas e simboloxía matemática. A fonte que cita: Mathematicus Scriptorium, pareceume tamén moi boa, non coñecía este blog (a pesar de que xa a tiña recollida no bloglines o amigo dorfun, no súa ampla recolleita de blogs relacionados co mundo das matemáticas; escapóuseme ;)).

Poñerse ao día

No intento de ir baleirando o meu recolledor de feeds para poñerme ao día, atopo algunhas novidades que non podo deixar de destacar:
En aulablog21, Francisco Muñoz comenta dous estupendos artigos sobre o uso dos blogs; ademais, de indicarnos de forma clariña as novidades (melloras) que incorpora bitacorae.
Mario Núñez Molina, en Avalúo y Tecnologías de Aprendizaje comenta a entrevista a Tony Bates en elearningamericalatina.
James Farmer en Incorporated Subversion, aportou moitos posts interesantes nestes días, pero o último, sobre os sistemas de weblogs multiusuario "multi user weblogging", xunto co Massively Multi User Weblogging de D'Arcy Norman, pareceume estupendo.
Ferramentas... moitísimas coas que irei trasteando, a última da que tiven noticia, unha para a creación de blogs: BlogSpirit.
Documentos.... tamén moitísimos, pero por destacar algúns (que todavía non revisei en profundidade)..., os que conforman o II monográfico de RED a Revista de Educación a Distancia.

Seguirei baleirando...

Innovación Educativa: Tendencias

Como cada día, salta o meu chivato feedness, das novidades. Neste caso distintas fontes: firgoa, octeto,... apuntan ao artigo publicado en elearningeuropa.info: Hacia un nuevo paradigma de aprendizaje

Trátase dun estudo recente, no marco da iniciativa e do plan de acción eLearning da UE, que ven de identificar tendencias teóricas e prácticas innovadoras en novos contornos de aprendizaxe no ámbito da educación escolar en Europa.
O estudo completo: Study on Innovative Learning Environments in School Education en formato PDF(8 MB)

As conclusións do estudo suxiren un cambio do instruccionismo en favor do constructivismo, que se entende como o marco de referencia a seguir.
Analízase o concepto de contorno de aprendizaxe, entendendoo como un lugar ou comunidade onde se desenvolven actividades coa finalidade de apoiar a aprendizaje e que conta con numerosos recursos.

O cambio cara ao novo paradigma de aprendizaxe, segundo os autores, require cambios importantes nas percepcións comúns, que se poden resumir en:
- Visión dos alumnos como individuos, activos e responsables da súa aprendizaxe.
- Planificación da aprendizaxe en función de estilos e ritmos de aprendizaxe individuais.
- Atención á participación social, ás capacidades de comunicación e á colaboración.
- Cambio do rol do profesor: como asesores, guías, supervisores e facilitadores do marco de aprendizaxe dos seus alumnos.
- Da reproducción á construción de coñecemento. Da reproducción de contidos e datos á experimentaicón e a exploración para a creación de coñecemento.
- Reorganización da situación de aprendizaje: reorganización do currículo; enfoques multidisciplinares e unha organización e planificación do tempo distintas, tanto da aprendizaxe como do traballo do profesorado.

Abórdase o uso das TIC como potenciador, reforzador e axente transformador dos cambios cara o novo paradigma de aprendizaxe. A conclusión é que as TIC, tanto poden apoiar e conservar os métodos tradicionais; como ser un medio –ou un apoio– para transformar os métodos pedagóxicos e a organización da situación de aprendizaxe.

Como parte do estudo, analizáronse seis casos como exemplos de boas prácticas. Producto destas análises, sinalan algunhas das características dos contornos de aprendizaxe que utilizan as TIC como soporte de novas formas de aprendizaxe:
- O uso de TIC ofrece ás escolas a oportunidade de conectarse en rede con outras institucións e acceder a novas formas de aprendizaxe.
- O uso innovador da tecnoloxía a miúdo únicamente ten lugar dentro da aula, e non é moi habitual entre clases, entre escolas nin entre escolas e outras institucións ou organizacións.
- As TIC utilizanse principalmente en actividades de colaboración e de comunicación, produción e busca de información.
- As TIC utilizanse con menos frecuencia para xogar, para realizar simulacións e para outros usos experimentais.
- As TIC adoitan ser un catalizador de cambio, pero non determinan de por sí a dirección do cambio.
Algúns dos principais retos dos novos contornos de aprendizaxe:
- Necesidade de avaliar en novos términos.
- Superar as resistencias ao cambio tanto por parte dos alumnos como dos profesores e dos pais.
- Superar as dúbidas sobre os nuevos métodos de aprendizaje: sobre a capacidade das escolas para desenvolver as competencias que os alumnos necesitan para aprobar os exames nacionais e os das escolas que seguen métodos máis tradicionais; sobre a capacidade das escuelas para ensinar e ofrecer apoio aos alumnos con necesidades especiais.
- Superar as dúbidas sobre aa reorganización: dos tempos, os espazos, as metodoloxías...
- Atender ás dificultades dunha aprendizaxe independente.

Aprender a escribir e a tocar o piano

Hillary Meeler en EduBlog Quest, dí que está totalmente dacordo ca analoxía proposta no Juha Haataja's weblog, Universal Rule, dicindo que aprender a escribir é como aprender a tocar o piano. Tanto unha actividade como a outra requiren dunha práctica diaria constante para producir un traballo efectivo.
É unha das tarefas máis difíciles de realizar, e a escritura e lectura de blogs, pode ser unha actividade enriquecedora no adestramento desta habilidade, xa que os estudantes expóñense a bos (e tamén malos) exemplos de escritura; e poden practicar as súas propias habilidades creando e compoñendo anotacións e comentarios.
¿Y esta publicidad? Puedes eliminarla si quieres

Retomando o pulso

Uff, como empeza o ano, ¡¡a tope!! e eu todavía deixando o turrón e despedindo aos reis (Baltasar é co que máis trato teño). Menos mal que a grileira anda lixeira e un se pode ir pondo ao día a toda velocidade.
No que vai de ano, apareceron moitísimas novas no meu feedness, máis para ir reentrando en materia teño unhas cantas novas destacadas, nas que me vou a parar un pouco estes días:
En aulablog21 top 10 weblogs, de Multiply; e sobre todo a inauguración do foro edu-blogs como punto de encontro de todos aqueles que estean interesados na utilización dos blogs no ámbito educativo.
En orientaeduc.com: insertar imaxes con Uploadhut; e máis sobre a proposta de creación dunha bitácora colectiva.
En blog d'una profe, o achádego de furl; as súas experiencias con Skype; e sobre todo o seu balance en torno ao 2005.
En alzado.org, picasa unha pequena xoia de google
En edublog quest: learning to write is learning to think

A bloquedada do blogomillo, reseñada sobre todo na dorfunteca, en paleón e en todo nada....
...o achádego de novas bitácoras ás que botarlles un ollo ou un feedness... e moito máis que irei desmiuzando a medida que vaia afondando neles.

Recursos en Aulablog21

Paco de Aulablog21, lavoulle a cara ao seu blog ;) (ainda que non lle facía falta ao meu parecer, porque estaba estupendo). A verdade é que lle está a quedar moi ben e sobre todo, o máis importante (sobre todo para el), é que mudou de xestor do blog, pasándose ao wordpress. A verdade é que teño un pouco de envexa, xa que teño pensado facer un cambio no sekeirox na mesma liña, máis non atopei nin o tempo nin os recursos para mudarme; e polo tanto seguirei facendo uso desta magnífica ferramenta que nos ofrece blogia. Ca súa nova ferramenta, Paco publica unha serie de posts, que me pareceron realmente de interese:
Fala do Snap log Photo Blog; moi interesante
Fala tamén do Email Icon Generator que descoñecía e do que xa fixen uso como se pode ver na sección Contact Ando de sekeirox.
E por último destaco o comentario que fai sobre unha plantilla para avaliar blogs: Blogging evaluation; haberá que analizala un pouco.
¿Y esta publicidad? Puedes eliminarla si quieres