Vía elearnspace, atopo un post sobre 8 formas de xestión do coñecemento. Interesante o PDF. Saltando desta rama para outra, dou coa ferramenta web da semana segundo TAFE frontiers. Models and Methods, trátase dunha ferramenta de axuda ou guía para os profesores, para desenvolver webs educativas utilizando modelos e métodos de ensinanza flexible. Pareceume realmente interesante
Vía aulablog21, atopo esta nova ferramenta opensource de blogs, baseada en Flash, PHP, MySQL: FlashBlog
Aínda que non me guste facer publicidade, coido que a ferramenta Macromedia Captivate, ten moi boa pinta para facer simulacións e demostracións. Non estaría demais que algúen que a probase, fixera algún comentario.
EduBlog Insights, ofértanos un interesante post sobre distintas formas de usar weblogs en educación"
vía Eduresources weblog, dou con esta ligazón das mellores webs educativas en USA, segundo o Center for Digital Education. Algúns dos sitios destacados son:
eLearnopedia, University of Wisconsin System
Indianapolis Regional Center Plan 2020, Ball State University, Indianapolis,
Work Ready Electronics, Maricopa Advanced Technology Education Center, Arizona
MySite eServices, South Orange County Community College District, California
Ask a Biologist, Arizona State University
Electronic Student Career portfolios-CUNNY, NYC College of Technology, N.Y.
Instructional Center Plano ISD, Plano Independent School District, Texas
MIT Open Course Ware, Massachusetts Institute of Technology, Cambridge
Utopia-University of Texas at Austin
No artigo do pedagogo Antonio Feria, publicado no número 338 da revista Cuadernos de Pedagogía , cóntase a experiencia de integración de TIC nas aulas do IES Calamonte, na Comunidade Autónoma de Extremadura. Conta como ca axuda dun reducido grupo de profesores que actúan como dinamizadores, o resto da comunidade vai entrando nunha dinámica de traballo en rede cas tecnoloxías. Esta iniciativa, ten detrás unha proposta "filosófica", social, cultural respaldada pola administración autonómica extremeña: utilizan software libre. O seu lema: Se legal..., copia GNU/LinEx. Pero sobre todo, parten do principio de que contar ca tecnoloxía é importante, pero só con ela non se aprende. O labor de mediación do profesor segue a ser chave no proceso de ensino.
Tralos acordos acadados con Intel e Microsoft, a Fundación Telefónica ven de abrir o seu portal de TIC para profesores, o Profesores Innovadores, que oferta formación, ferramentas, contidos e servizos de apoio para os docentes.
A páxina da materia: Escritura no lineal da profesora Mª Luisa Santos Pascualena (Wila Santos), mostra cousas moi interesantes ao meu ver; contidos e experiencias a ter en conta, utilizando sempre os weblogs como ferramentas de apoio á docencia e formando parte do propio contido do curso.
Esta profesora, que é a blogger de alternativa, está a desenvolver un curso na UNED, que ten moi boa pinta: Diseño de contenidos educativos para internet, no que tamén usa os weblogs como apoio docente. Este curso ten uns obxectivos atractivos e manexa unha bibliografía do meu agrado.
Esta profesora, xunto co profesor Orihuela, ten unha páxina con recursos en Internet para a educación.
En educ.ar publican un artigo moi interesante de Beatriz Fainholc, sobre o papel mediador da tecnoloxía nos procesos de ensinanza - aprendizaxe dende unha perspectiva socio-cultural.
O portal de universia, ofrece unha ligazón á maioría dos distintos Centros de Apoio das universidades española
Vía dorfun dou con este artigo para revisar, parece interesantelectura e escritura con weblogs
Segundo e-learning,conocimiento en red, a Universidade de Montana, ven de seleccionar a ferramenta Blackboard, como LMS, para por os seus cursos en internet.
Da alma no fondo
eu levo unhas cordas,
que a cada momento
soando están soas:
se estou vixiando
ocúpanme as horas;
se en plácido sono
os membros repousan,
axítanse insomnes,
xa doces, xa roucas.
En vano, febrento,
nas luitas recónditas,
o ánimo ousado
en vano se esforza
por domar o tumulto sublime,
as férvidas notas,
soberbias, agrestes,
salvaxes, grandiosas,
que ¡ai¡ no profundo
dos bardos repousan,
¡cal repousan as chispas que dormen
nas altas curotas!
EDUARDO PONDAL, "Queixumos dos pinos" (1886)
EDICIONS XERAIS. Eduardo Pondal, Poesía. Biblioteca das letras galegas.
Segundo a BVG Eduardo María González-Pondal Abente, naceu en 1835 na Ponteceso, comarca de Bergantiños. En 1848 instalouse en Santiago para cursar o Bacharelato en Filosofía e, a seguir, a carreira de Medicina.
En 1860, publica "A campana de Anllóns", o seu primeiro poema en galego. No ano 1877 saíu do prelo Rumores de los pinos, un conxunto de vinte e un poemas en galego e español que servirá de base a "Queixumes dos pinos" (1886). "Os pinos", xurdido das sucesivas reelaboracións de Rumores de los pinos, conformará o himno galego, con música de Pascual Veiga.
Pondal, poeta oficial do movemento rexionalista, encamiñará a súa obra á recuperación da lingua e da cultura galegas e á decidida defensa da liberdade do noso pobo. En 1858, publica "Os Eoas", un extenso poema épico baseado na descuberta do continente americano.
A vixencia desta coñecida frase de Castelao, é unha lousa para moitos galegos...
Político, pintor e escritor galego nacido en Rianxo. Pasou a súa infancia en Arxentina, onde viviu a emigración en primeira persoa. Licenciado en Medicina, cursou o doutoramento en Madrid onde comenzou a destacar como caricaturista e pintor, sendo a súa bandeira o humor, a sátira e a crítica. Entre outras participacións culturais, pertenceu ao grupo cultural Irmandades da Fala e foi director artístico da publicación Nós. Destacan as súas obras: Un Ollo de Vidro (1922), Cousas (1926), As Cruces de Pedra na Bretaña (1929), Retrincos (1934) e Os Dous de Sempre (1934). Os álbumes Galicia Mártir (1937) e Atila en Galicia (1937). A obra teatral Os vellos non deben de namorarse (1941). En 1944 publicou Sempre en Galiza, obra cumio do pensamento galeguista e en 1948, Alba de Groria. En 1950 publicou o seu último libro, As Cruces de Pedra na Galiza.
Ten boa pinta esta ferramenta KidzLog de edición de weblogs para nenos, parece faciliña e intuitiva, haberá que seguila.
Vía elearnspace, dou cun artigo e comentarios interesantes sobre o mesmo de Manuel Cornejo que fala das comunidades de práctica e do papel dos blogs como unha ferramenta de traballo moi útil para as mesmas.
Publican en Octeto, dúas interesantes novas: unha sobre as novas versións do contorno Moodle 1.3.2, que incorpora melloras en canto aos estándares (SCORM), e A-Tutor que inaugura o acceso público ao repositorio do seu código fonte.
Outra nova interesante que recolle é sobre a ferramenta de Sakai, que acaba de anunciar a primeira versión do seu Collaboration and Learning Environment (CLE), un contorno modular de código fonte aberto que ten o obxectivo de integrar diversas funcionalidades de e-learning nun portal académico. Lembremos que o proxecto Sakai é unha iniciativa das universidades de Michigan, Indiana e Stanford, o MIT e o consorcio uPortal.
Vía EdTechPost atopo un interesante documento sobre o proceso de selección do EVA na Dublin City University no seu proceso de migración de plataforma. Interesante tamén o comentario que fan ao post de edtech.
Xa comentara a primeira parte deste artigo publicado en Red. Agora o número 11 desta revista da Universidade de Murcia, publica a segundas partes dos artigos de Miguel Zapata e de Chris Ashley.
Inclúe ademais un artigo de Carlos Marcelo sobre contidos e construcción da aprendizaxe na rede.
Coincido con Piscitelli, en que o post de Barret Anatomía de un weblog describía o formato e a filosofía dos weblogs como vehículo dunha rede para todos feita por todos.