Sekeirox

O outro día, escoitando na radio galega unha entrevista ao alcalde de Lugo souben que tamén se sumou a participar activamente na blogosfera. Botándolle un ollo ao seu blog José L. Orozco , achegueime un pouco á iniciativa: Cadernos de Lugo. Un blog para cada cidadán , do Concello de Lugo ; hoxe vía Código Cero afondei un pouco máis nela.

Levan xa cinco meses de andadura e preto de medio cento de cadernos creados. Estiven a trastear un pouco e non me pareceu o mellor dos sistemas de publicación, máis ben queda un pouco escaso demais. De todos modos, e á espera de que sigan mellorando, pareceume unha boa iniciativa municipal.

Etiquetas: blog, concellos, participación

O novo estándar estará baseado en especificacións xa existentes: Content Packaging 1.2, Question & Test Interoperability 2.0 e Learning Object Metadata 1.0. E será, ademais, compatible con SCORM 1.2 y SCORM 2004. IMS/GLC confía en que o Common Cartridge facilite a produción e distribución de contidos para cursos nun formato común ampliamente aceptado".

Haberá que ver as reaccións por estes lares. 

Etiquetas: IMS, Common, Cartridge, estándares, LO

Menos mal que o Planeta educativo nos mantén ao día, e que as rutinas de visitas obrigadas, están máis ou menos establecidas; porque o que é o meu lector de sementes...: o Feedness leva unha tempada dando problemas e non atopo explicación algunha que me devolva a confianza depositada estes anos nesta ferramenta e os seus autores . Hai un mes ou por ahi, xa tiveran problemas co servidor, pero agora parece que o problema é máis serio. ¿Alguén sabe algo ao respecto?

Despois de ver o pulo e o interese co que se están a empregar os de Google (acaban de mercar tamén YouTube ) e de ter probado o ben que funciona o Google Reader , estou case que decidido a mudar de lector de sementes (a pesar do magnífico servizo prestado por Feedness ata o de agora). Outra opción a barallar é voltar ao clásico (pero actualizado) FeedReader , coa súa Beta 3.06 que ten versión en galego, ou recurrir ao Bloglines de sempre, opción que non me atrae demasiado porque aínda que cumple a súa función, levan moito tempo sen evolucionar nada, e iso nestes tempos xa sabedes o que implica.

Acéptanse suxerencias ;)

Actualización das 16:30

Parece de broma pero non o é . Publicar esta anotación e poñerse o Feedness a funcionar foi todo un. Haberá que darlles outro voto de confianza, pero subscribo todo o dito anteriormente e será bo ter unha boa opción na recámara.

Etiquetas: lector, sementes, RSS, feedness, feedreader, googlereader, bloglines

Hoxe din con dous novos achádegos.

Un da man de Paco en aulablog21 . Paco ofreceunos a ligazón a un blog: La clase abierta (outra semente que recoller), "Un espazo que bucea na práctica educativa con blogs, wikis, podcast e outras ferramentas colaborativas". Gustoume o estilo das anotacións, a presentación do blog e as entrevistas que inclúen, entre as que destaco a de Bea Marín e a que lle fixeron a James Farmer (que envexa ! Non teñen desperdicio)

O outro achádego chega da man de Luis en Orientaeduc.com . "Trátase da Revista de Educación . Unha publicación do MEC adicada á difusión da investigación e innovación educativa que agora se pode consultar Online e descargarse en formato PDF".

Etiquetas: edublog, recurso, revista, educación

O outro día falaba das bondades dun servizo de creación e aloxamento de blogs: o NireBlog . Pois ben, hoxe grazas a Marcus de Código Cero entérome dunha nova que fai subir moitos enteiros a esta ferramenta. Resulta que este servizo ven de presentar a súa versión en galego, de xeito que aumenta o número de linguas coas que se poden editar os seus blogs.
"Cada unha das falas dispoñibles incorpora a súa propia páxina de entrada dende a que aparecen as últimas publicacións nas mesmas dentro do sistema de NireBlog".

Etiquetas: nireblog, servizos, galego

José Luis Cabello en Aulablog ofrécenos un interesante artigo comentando sobre as bondades das ferramentas integradas en Google para educadores . Será unha boa cousa seguir o foro aberto en Aulablog para afondar no uso destas ferramentas.

Outra ferramenta Google, aínda en "Beta", que me pareceu moi boa, e que seguro integrarán neste paquete para educadores é o Google Docs , á que chego vía Microsiervos . Trátase dun potente editor de textos e folas de cálgulo qo que podemos acceder vía web (só  necesitamos un navegador); hai outras ferramentas similares, pero esta parece más potente que outras revisadas. Este novo servizo permite logo, aos usuarios rexistrados (Quen non está rexistrado nalgún servizo dos que oferta Google?) crear documentos de texto e follas de cálculo; compartilos, traballar neles de forma colaborativa, editalos en diversos formatos, etiquetalos, gardalos en liña ou no propio ordenador en diversos formatos doc, html, rtf, Open office, PDF, e as follas de cálculo tamén en CSV, ODS, XLS. Casi nada

Etiquetas: google, pdf, ferramentas, recursos, web20

Vía Código Cero dou con Ms Dewey , un buscador cunha interface bastante máis "atractiva" que a de Google, por exemplo. Gustoume (a idea tamén). Moi simpática a interacción con Ms Dewey, e a súa actitude, ás veces sarcástica, ante determinadas buscas.

Actualización:

Máis sobre a ferramenta en:

• Deakialli
• La imagen social del bibliotecario

Etiquetas: buscadores, ferramentas

“El mal diseño de las bitácoras”, é o artigo de Alejandro Valero que aparece no Monográfico "Wikis y Blogs en la educación " publicado recentemente polo Observatorio tecnológico del CNICE. Neste artigo, o "maestro" analiza diversos aspectos dos blogs a ter en conta para non caer en erros no deseño de bitácoras que nos poden levar a ter certos tropezós na práctica. Grazas Alejandro por facernos máis fácil o camiño.

Neste mesmo Monográfico podemos atopar outros artigos interesantes nos que se estudan as posibilidades reales na utilización dos blogs no eido educativo, dende o punto de vista práctico a no plano teórico. A medida que os vaia revisando ireinos incluindo no meu CiteUlike:

• “Manual de Blogger”, de Pedro José Salazar
• “Instalación de Wordpress”, de Javier Martínez Avedillo
• “Blogs y wikis en tareas educativas”, de Andrés García Manzano
• “Aplicación didáctica de los weblog y los gestores de contenido”, de Francisco José García Heras
• “Trabajo colaborativo y herramientas de colaboración y debate: wikis y foros de discusión”, de Francisco José García Heras

• Open source, openness, and higher education (David Wiley)
• Open source/open course learning: Lessons for educators from free and open source software (Robert Stephenson)
• Getting open source software into schools: Strategies and challenges (Gary Hepburn & Jan Buley)
• Vision 2010: The future of higher education business and learning applications (Patrick Carey & Bernard Gleason)
• Harnessing open technologies to promote open educational knowledge sharing (Toru Iiyoshhi, Cherly Richardson & Owen McGrath)
• Looking toward the future: A case study of open source software in the humanities (Harvey Quamen)
• From, By, and For the OSSD: Software Engineering Education Using an Open Source Software Approach (Kun Huang, Yifei Dong, and Xun Ge)
• Places to go: Intute (Stephen Downes)

E outra das lecturas nas que estiven entretido estes días foi o artigo publicado por UOC Papers, Nº3 (2006): El Profesor 2.0: docencia e investigación desde la Red , de Ismael Peña, César Pablo Córcoles e Carlos Casado.

Etiquetas: bibliografia, blogs, wikis, tic, tecnoloxía, educación, cambio, uoc, innovate, cnice, open, source, web20, blogger, wordpress